Indovinelli dialettali PDF Stampa E-mail
In questa pagina potete trovare una bella e vasta raccolta di indovinelli in dialetto Platanese. Prima viene indicata la versione in dialetto e poi nella riga successiva la soluzione all'indovinello. er la segnalazione di altri indovinelli dialettali scrivi a Questo indirizzo e-mail è protetto dallo spam bot. Abilita Javascript per vederlo.


1 - Bellu e vidìre, bellu e 'accattare, u lìnchiu e carne e lu lassu stare.
'A niallu (L'anello)

2 - Sutta u' ponte di bell'acqua 'nc'è 'na donna crimentina, 'nc’è  lùcinu l'uacchi cumu 'na gatta:
fìgghiu di rre chine' l'indovina.

'A 'ngilla (L'anguilla)

3 - Chine' u fa', u fa' pe' vìndire, a chine' l’accatta un 'c’è serve, a chine c’è serve un lu vide.
'U tavutu (La bara)

4 - Nasce rande e more ninna.
'A candila (La candela)

5 - Virde nasce, virde pasci, virde more.
'U tritrualu (Il cetriolo)

6 - Haju 'na cista e cerasa, 'a sira 'i mentu e 'a matina 'i trasu.
'U celu stillatu (Il cielo stellato)

7 - Uamini e uamini si fa, fimmine e uamini puru, fimmine e fimmine no.

'A cumpessione (La confessione)

8 - Oh chi mamma sbenturata, a' li fìgghi tra e spine, cu' la capu 'ncurunata, ricamata de rubini.
'e ficu ‘ndiane (Il fico d'India)

9 - Quandu 'u patre nasce, 'a fìgghia fuje.
'U fuacu e la fuma (Il fuoco e il fumo)

10 - Sa' signora d'artu palazzu, janca su' e nigura mi fazzu, cadu 'n terra e no' m'ammazzu, vaju 'n chiesia e luce fazzu.

'Alivu e l'ògghiu (L'oliva e l'olio)

11 - Se guarda cu' l'uacchi e non si tocca cu' 'le manu.

L'umbra (L'ombra)

12 - Pendìgghiu pendìa, dormìgghiu dormìa, cade pendìgghiu e risbìgghia a dormìgghiu, si leva dormìgghiu e si mangia a pendìgghiu.
'U piru e lu porcu (La pera e il maiale)

13 - Nesce cantandu a menzu e due' muntagne.
'U pìritu (Il peto)

14 - 'Nc'è 'na cosa longa e storta chi a tuttu 'u mundu porta.
'A strata (La strada)

15 - Canùsciu tri frati, tutti 'i tri dannati.
'U tripòdi (Il treppiede)

16 - Panza ccu panza  nu manicu c'avanza, nu piezzu e carne crura fa ricriare li criaturi.
A’ chitarra (la chitarra)

17- U padre è nu sturtigliune, a mamma e na sturtigliuna, a figlia è tantu bella tutti quanti sa mangianu
L’uva (l’uva)

18 - Paparia, paparia a casa casa, quaranta jirita e dui nasi.
A fimmina ncinta (la donna incinta)

19 - 'Un tene vucca e parra, 'un tene piedi e camina
A’ littera (la lettera)

20 - Pupa, pupetta tene cientu mantellette

A’ Lattuga (la Lattuga)

21 - E' longa e liscia a pigli a re manu e piscia.
A’ Buttiglia (la bottiglia)

22 - Si vo provare u veru piacire, panza ccu panza manicu tenente, na manusutta e supra e n'atra sempr vicinu a lu  bucu.
A chitarra (la chitarra)

23 - Cci à zzicchi tosta e la cacci muscia
A’ pasta (la Pasta)

24 - Don Cicciu la milogna l'avia tri parmi longa, tri parmi longa l'avia, e n' tinghi 'ntanghi le facia
A’ Campana (la campana)

25 - U iuarnu camina, camina, a notte sta ccu la vuccaaperta

‘A scarpa (la scarpa)

26 - Si Diu vo' e ra Madonna u permette, a fimmina separa e l'uomo glielo mette.
L’Aniallu  (l’anello)

27 – Pilu contra pilu aza l’anca ca tu mpilu
U’ Quaziattu ( il calzino)

28 - Ppe ririre ha persu i figli
U rizzu e le castagne (il riccio e le castagne)

29 - E' tundu e nun è lu mundu, è virde e nun è erba, è russu e nun è fuocu
A’ nguria(l’anguria)

30 - Cchiù a tiri, cchiù s'accurcia

A’ Sigaretta (la sigaretta)

31. Minte maritu miu, minte sputazza, appoggia ferma i piadi a llu muru, ca si sbagli la jaccazza gira sempre lu culu.
Ago e filo

32. Supra nu cucuzziallu c'è nu vecchiariallu, rapera a vrachetta e nesce upistuliallu.
Pannocchia di granoturco

33. Numi e numinaglia fa l'uovu 'ntra paglia.
Chicco di grano

34. Avuta cumu nu gallu fa lla pedata cumu nu cavallu.
Pignatta

35. Licca e rillicca, a llu culu ti lu ficcu.
Ago e filo

36. E' longa e liscia a pigli a lle manu e piscia.
A' Buttiglia (Bottiglia)

37. Sutta na petra chiatta cce sta na surda gatta, è surda chi nun sente e arribbella tutta a gente.
A' campana (La Campana)

38. A figlia e pelleossa 'un tene né carne, né pila, né ossa.
A' ricotta (La ricotta)

39. Nasce rande e more nninna.
A candila

40. Quandu u patre nasce, u figliu fuje.
U fuacu e llu fumu (Il fuoco e il fumo)


Add this to your website
 
Contribuisci online

Meteo Platania 24 su 24

Webcam-tv Platania


Visitatori n°

Tot. visite contenuti : 732691

Utenti Online

 18 visitatori online
Dove siamo

Meteo Platania 24 su 24

Webcam-tv Platania

[+]
  • Increase font size
  • Default font size
  • Decrease font size